संभाजी ब्रिगेड पक्षाच्या माजी प्रदेश कार्याध्यक्षाला एका महिलेने मोठा चोप दिलाय, छेडखानी केली असल्याचा आरोप करीत त्याला बेदम मारहाण करण्यात आली आहे. अकोला जिल्ह्यातील मुर्तीजापुर तालुक्यात हा संपूर्ण प्रकार घडला आहे. डॉ. गजानन पारधी हे संभाजी ब्रिगेड पक्षाच्या माजी प्रदेश कार्याध्यक्ष होते. एका महिलेकडून छेडखानी केल्याचा आरोप करीत त्यांना चप्पलेचा चोप देत मारहाण झाली होती. अकोला येथील मुर्तीजापुर पोलीस हद्दीत हा संपूर्ण प्रकार घडला होता. मात्र अजून पर्यंत सदर महिलेने गुन्हा दाखल केला नाहीये.

या प्रकरणामुळे पक्षाने त्यांच्यावर गंभीर दखल घेत कारवाई केली आहे. डॉ. गजानन पारधी यांच्यावर पक्षविरोधी कारवाई आणि गैरवर्तन करत पक्ष संघटनेची प्रतिमा मलीन करण्याचा अयशस्वी प्रयत्न केल्याबद्दल कायम बडतर्फ करण्यात आले आहे. या संदर्भात पक्षाने एक अधिकृत पत्र काढत पारधी यांची पक्षातून हकालपट्टी केल्याची घोषणा केली. ते पत्र देखील आता समोर आलंय. मुर्तीजापुर तालुक्यात या महिलेने पारधीला चांगलाच चोप दिला होता. ब्लॅकमेलिंग, पैशाची मागणी, फोटो व्हिडिओ वायरल करण्याची धमकी, तसेच छेडखानी केल्याचा आरोप यादरम्यान महिलेने केला होता, अशी प्राथमिक माहिती समोर येत आहे.