महापालिका निवडणुकीच्या पार्श्वभूमीवर सर्वच पक्षात अनेक मोठमोठ्या घडामोडींना वेग आला आहे. आज ठाकरे गटाची पहिली यादी जाहीर झाली असून यामध्ये अनेक दिग्गज नेत्यांच्या मुलांचे नाव दिसून येत आहे. अशातच माजी महापौर किशोरी पेडणेकर यांचे पहिल्या यादीत नाव नसल्याने एकच खळबळ उडाली आहे. त्यांना सध्या वेटिंगवर ठेवण्यात आल्याची माहिती समोर येत आहे. उद्धव ठाकरे यांच्याकडून 40 पेक्षा जास्त शिवसैनिकांना एबी फॉर्मचे वाटप करण्यात आले आहे. मात्र त्यामध्ये किशोरी पेडणेकर यांचे नाव नाही. यानंतर पेडणकेर या मातोश्रीवर दाखल झाल्या असून उद्धव ठाकरे यांची त्यांनी भेट घेतली. या भेटीनंतर त्यांनी माध्यमांशी बोलणे टाळले असले तरी त्यांच्या उमेदवारीबाबत अधिकच संभ्रम वाढला आहे.