उपमुख्यमंत्री अजित पवार यांच्या आकस्मिक निधनाने संपूर्ण राज्य हे दु:खाच्या सावटाखाली जगत आहे. हा दु:खाचा डोंगर राजकीय वर्तुळावरच नाही तर महाराष्ट्रातील सर्वच नागरिकांवर कोसळला आहे. बुधवारी 28 जानेवारी रोजी अजित पवार यांच्या विमानाचा बारामती येथे अपघात झाला आणि त्यांचा यामध्ये मृत्यू झाला. यानंतर अजित दादांच्या पार्थिवावर अंत्यसंस्कार करण्यात आले. त्यानंतर संपूर्ण राज्यात अजित पवार यांच्या अस्थि त्या त्या आमदाराने आणून त्याचे विसर्जन केले.

अशातच पुणे जिल्हयातील कुकडी नदीत अजित पवारांच्या अस्थिकलश विसर्जनावेळी माजी आमदार अतुल बेनकेंनी थेट नदीपात्रात उडी घेऊन दादांना भावपूर्ण श्रद्धांजली वाहिली. अष्टविनायकांपैकी ओझर गणपतीच्या साक्षीने आज कुकडी नदीत उपमुख्यमंत्री अजित पवार यांच्या अस्थींचे विसर्जन विधिवत पार पडले. या विधीवेळी माजी आमदार अतुल बेनके स्वतः पाण्यात उतरले आणि दादांना भावपूर्ण श्रद्धांजली वाहिली. भावनिक वातावरणात दादा अमर रहेच्या घोषणा देत कार्यकर्त्यांनीही अश्रुपूर्ण निरोप दिला.