मागील काही दिवसांपासून चर्चेत असलेले छत्रपती संभाजीनगरमधील ठाकरे गटात प्रवेश करणारे रशीद मामु यांनी पोलिसांत धाव घेतली आहे. काही पक्ष हिंदू-मुस्लीम असा वाद निर्माण करण्याचा प्रयत्न करीत आहेत. सोशल मीडियावर माझी बदनामीही करण्यात येत आहे. यासंदर्भात आपण पोलिस आयुक्त प्रवीण पवार यांची भेट घेऊन तक्रार दाखल केल्याची माहिती माजी महापौर रशीद मामू यांनी एका पत्रकार परिषदेत दिली. मी उद्धवसेनेत प्रवेश केल्यापासून काही राजकीय पक्षांनी बदनामीचा विडा उचलला असून, अत्यंत खालच्या पातळीवर जाऊन आरोप केले जात आहेत असे रशीद मामु म्हणाले.