मुंबईतील ताडदेव परिसरातील कोस्टल रोड टनेलमध्ये आज सकाळी मोठी दुर्घटना घडली. एका गाडीला अचानक आग लागल्याने काही काळ परिसरात भीतीचे वातावरण पसरले होते. गाडीला लागलेली आग मोठ्या प्रमाणात असल्याने तात्काळ दक्षिण व उत्तरमार्गे जाणारी वाहतूक संपूर्णपणे थांबवण्यात आली.टनेलमध्ये धुराचे लोट पसरल्याने गाड्यांची मोठी कोंडी झाली असून, वाहकचालकांना मोठ्या अडचणींचा सामना करावा लागला. अग्निशमन दलाने घटनास्थळी तातडीने धाव घेऊन आगीवर नियंत्रण मिळवण्यासाठी प्रयत्न सुरू केले आहेत. सुदैवाने आतापर्यंत कोणतीही जीवितहानी झालेली नसून, नेमकी आग कश्यामुळे लागली हे अद्यापही स्पष्ट झालेले नाही.