राज्यातील महिलांसाठी सुरू असलेली ‘लाडकी बहीण योजना’ आता वादाचा विषय ठरत आहे. शासनाने या योजनेच्या लाभार्थ्यांसाठी नवे नियम लागू केले असून, एकाच कुटुंबातील दोनपेक्षा अधिक महिलांनी योजनेचा लाभ घेतल्यास त्यांना अपात्र ठरवले जाणार आहे.

या निर्णयानंतर अनेक घरांमध्ये सासू–सुना, जावा–जावा आणि इतर महिला सदस्यांमध्ये वाद निर्माण झाले आहेत. महिन्याला मिळणाऱ्या १,५०० रुपयांच्या हक्कासाठी आता घराघरात वाद रंगू लागले आहेत.

शासनाच्या नव्या अटींमुळे हजारो महिलांचा या योजनेतून पत्ता कट होण्याची शक्यता आहे. त्यामुळे ‘लाडकी बहीण’ योजनेतून महिलांना आर्थिक मदत करण्याचा उद्देश असला, तरी नव्या निर्णयामुळे अनेक कुटुंबांत तणावाचे वातावरण निर्माण झाले आहे.