सागर निकवाडे, साम टीव्ही

नंदुरबार: गेल्या काही वर्षांपासून गुजरात राज्यात तयार केले जाणारे बोगस बियाणे महाराष्ट्रात विकले जात असल्याचं धक्कादायक प्रकरण वारंवार समोर येत आहे. यातच गुजरात राज्यात तयार केलेले बोगस बियाणे हे महाराष्ट्राच्या सीमावरती भाग असलेल्या निझर या गुजरात राज्यातील गावात साठवणूक केली जाते आणि त्यानंतर अवैद्य मार्गाने महाराष्ट्रात त्याची विक्री केली जात असते. महाराष्ट्र आणि गुजरात सीमेजवळ असलेल्या अक्कलकुवा बस स्थानकावर गुप्त माहितीच्या आधारावर एका गुजरात राज्य परिवहन विभागाच्या बसची तपासणी करत अवैधरिता एचटीबीटी कापूस या कापूस बियाण्याची जप्ती नंदुरबार कृषी विभागाने केली आहे.

गुजरात राज्यातून महाराष्ट्रात बोगस बियाणे तस्करी करणाऱ्या दोघांविरोधात कारवाई करण्यात आली असून त्यांच्याकडून एचटीबीटी कापूस नामक कंपनीचे कापसाचे बोगस बियाणे कृषी विभागाने जप्त केली आहे गुजरात राज्याच्या परिवहन बसणे ही तस्करी केली जात होती त्यानंतरच कृषी विभागाने पथकाने काही कारवाई करत दीड लाख रुपयांचा बोगस बियाणे जप्त केले आहे.