मागच्या काही दिवसांपासून अंमल बजावणी संचालनाय ED कडून सातत्याने विविध ठिकाणी छापेमारी केली जात आहे. काही दिवसांपूर्वी ED ने बारामती आणि पुणे जिल्ह्यांमध्ये मोठी कारवाई केली होती. विद्यानंद डेअरीशी संबंधित आर्थिक गैरव्यवहार आणि गुंतवणूकदारांची तब्बल 108 कोटी रुपयांची फसवणूक केल्याप्रकरणी ही छापेमारी सुरू होती. आरोपी आनंद लोखंडे हा या प्रकरणातील मुख्य आरोपी असून तो फरार होता. तसेच आमदार रोहित पवार यांचा निकटवर्तिय असल्याचे बोलले जात आहे. फसवणूक प्रकरणी आनंद लोखंडे यांच्याशी संबंधित चौकशीसाठी आज बारामतीत ईडीने पुन्हा धाड टाकली आहे. ईडीच्या पथकाने आनंद लोखंडे आणि त्यांच्या नातेवाईकांच्या घरांवर छापेमारी केली आहे. ही कारवाई तब्बल चार तासांपासून सुरु आहे.