उपमुख्यमंत्री एकनाथ शिंदे आणि भाजप प्रदेशाध्यक्ष रवींद्र चव्हाण आज डोंबिवलीत एकाच मंचावर येणार आहेत. केडीएमसीच्या सावळाराम क्रीडा संकुलाचं भूमिपूजन आणि सावित्रीबाई नाट्यगृहाच्या नूतनीकरण सोहळ्यानिमित्त हे दोन्ही नेते एकत्र दिसणार आहेत. या कार्यक्रमासाठी उद्योगमंत्री उदय सामंत देखील उपस्थित राहणार आहेत. कल्याण-डोंबिवली महानगरपालिका निवडणुकीदरम्यान या दोन नेत्यांमध्ये पक्षप्रवेशावरून वाद निर्माण झाला होता. त्या पार्श्वभूमीवर आजच्या कार्यक्रमात त्यांची उपस्थिती आणि देहबोली याकडे सर्वांचे लक्ष लागले आहे. या कार्यक्रमाच्या निमंत्रण पत्रिकेत दोन्ही नेत्यांची नावे असल्याने राजकीय वर्तुळात चर्चांना उधाण आले आहे. कार्यक्रमात भाजप प्रदेशाध्यक्ष रविंद्र चव्हाण हे प्रमुख पाहुणे म्हणून उपस्थित राहणार का, याबाबत उत्सुकता निर्माण झाली आहे.