राज्याचे उपमुख्यमंत्री एकनाथ शिंदे हे मनसे प्रमुख राज ठाकरे यांच्या निवासस्थानी गणपतीचे दर्शन घेण्यासाठी गेले होते. मात्र घरी जाताच राज ठाकरे आणि एकनाथ शिंदे यांच्यामध्ये बंद दाराआड चर्चा सुरू असल्याची माहिती विशेष सूत्रांनी दिली आहे. हिंदीसक्तीच्या विरोधात राज ठाकरे हे प्रचंड आक्रमक झाले होते. शालेय शिक्षण मंत्री दादा भुसे हे राज यांना भेटले होते. मात्र राज यांनी भुसे यांचा प्रस्ताव हा नाकारला होता. त्यानंतर या दोघांमध्ये काहीसा तणाव निर्माण झाला होता. तसेच ठाकरे बंधु हे एकत्र आल्याने एकनाथ शिंदे हे अस्वस्थ होते अशी ही चर्चा सुरू होते. यानंतर पहिल्यांदाच हे दोघे गणपती उत्सवानिमित्त एकत्र आले असून या दोघांमध्ये आगामी महापालिका निवडणुकीसंदर्भात देखील चर्चा झाल्याचे सांगितले जात आहे.