मुख्यमंत्री एकनाथ शिंदे यांनी सलमान खान आणि कुटुंबीयांची भेट घेतली. मुंबईतील सलमान खान याच्या राहत्या घरी मुख्यमंत्री एकनाथ शिंदे यांनी खान कुटुंबीयांची भेट घेत त्यांचे विचारपूस केली. रविवारी सकाळी सलमान खान याच्या घरावर गोळीबार झाला होता. हा गोळीबार करणाऱ्या संशयित आरोपींना पोलिसांनी अटकही केली आहे. दोन संशयित आरोपींना पोलिसांनी ताब्यात घेतलं असून त्यांची चौकशी सुरू आहे. या गोळीबार प्रकरणाची गंभीर दखल मुख्यमंत्र्यांनी घेत खान कुटुंबीयांची विचारपूस केली. सलमान खान याच्या घरावर झालेला गोळीबारानंतर मुंबई पोलीस हे अलर्ट झाल्याची माहिती मुख्यमंत्र्यांनी यावेळी दिली. तसेच सलमान आणि खान कुटुंबीयांच्या सुरक्षित कोणतीही कसूर केली जाणार नाही, असा विश्वासही मुख्यमंत्र्यांनी यावेळी बोलून दाखवला. मुंबईतील गॅलेक्सी अपार्टमेंट या ठिकाणी ही भेट झाली या भेटीदरम्यान सलमान खान यांचे वडील सलीम खान आणि इतर कुटुंबीय देखील उपस्थित होते.