राज्याच्या अर्थसंकल्पीय अधिवेशनाला आजपासून सुरुवात होत आहे. येत्या 6 मार्चला मुख्यमंत्री देवेंद्र फडणवीस राज्याचा अर्थसंकल्प सादर करणार आहेत. दरम्यान आज अर्थसंकल्पीय अधिवेशनाला सुरुवात होत असतानाच उपमुख्यमंत्री एकनाथ शिंदे यांनी मोठा धक्का देत निर्णय घेतला आहे.

अधिवेशन काळात उपमुख्यमंत्री एकनाथ शिंदे यांच्याकडे असणाऱ्या खात्यांची जबाबदारी इतर मंत्र्यांवर सोपवण्यात आली आहे. उपमुख्यमंत्री एकनाथ शिंदे यांनी विधानसभा अध्यक्षांना तसे पत्र लिहून याबाबत माहिती दिली आहे. सार्वजनिक बांधकाम विभागाची जबाबदारी दादा भुसे यांच्यावर सोपवण्यात आली. तर गृहनिर्माण विभागाची जबाबदारी मंत्री शंभुराज देसाई आणि नगरविकास खाते उदय सामंत यांच्यावर आहे. अधिवेशन काळात एकनाथ शिंदे यांनी अचानक घेतलेल्या या निर्णयाने सगळ्यांनाच धक्का बसला असून राजकीय वर्तुळात मोठी खळबळ उडाली आहे.