Dharavi Eknath Shinde News : धारावीमध्ये रात्री उशिरा उपमुख्यमंत्री एकनाथ शिंदेंचा ताफा अडवल्यानं मोठा गदारोळ झाला. प्रचाराची वेळ संपल्यानंतरही उपमुख्यमंत्री धारावीत आल्याचा आरोप करत काँग्रेस आणि राष्ट्रवादीच्या कार्यकर्त्यांनी त्यांना जोरदार विरोध केला. आमदार ज्योती गायकवाड यांच्यासह कार्यकर्ते आक्रमक झाल्याने परिसरात तणाव निर्माण झाला होता. आचारसंहितेच्या नियमांवरून कार्यकर्त्यांनी पोलिसांना धारेवर धरले. त्यानंतर परिस्थितीचे गांभीर्य ओळखून उपमुख्यमंत्र्यांनी आपला दौरा अर्धवट सोडला.

राज्यातील २९ महापालिका निवडणुकीसाठी १५ जानेवारी रोजी मतदान होत आहे. त्याआधी राजकीय पक्षांकडून प्रचाराचा धुरळा उडालाय. आज प्रचाराचा अखेरचा दिवस आहे.