उपमुख्यमंत्री एकनाथ शिंदे यांनी पुणे येथे अमित शहासमोर जय गुजरातची घोषणा दिल्यानंतर विरोधकांनी टीकास्त्र सोडले आहे.

यावरच ठाकरे गटाच्या नेत्या किशोरी पेडणेकर यांनी जोरदार हल्लाबोल केला आहे. एकनाथ शिंदे स्वतःला मूळचे शिवसैनिक समजतात. असे लोकांना भासवतात,आणि आज अमित शहांसमोर लाचार कसे झाले हे पण त्यांनी दाखवून दिले. जय हिंद, जय महाराष्ट्र बोलणे हे आपल्या देश आणि राज्यावरच प्रेम पण जय गुजरात बोलत असेल तर महाराष्ट्रात हिंदी पाठोपाठ गुजरात ही शिकवली जाणार का? असा सवाल त्यांनी विचारला. तुम्ही बाळसाहेबांचे विचार घेऊन पुढे चालला हे कायम लोकांना दखवत आले आहे. पण बाळासाहेबांच्या विचारात कधीच जय गुजरातचा नव्हता असे खडेबोल किशोरी पेडणेकर यांनी एकनाथ शिंदेंना सुनावले.