Shiv Sena Vardhapan Din : ठाकरेंचा कट्टर शिवसैनिक भडकला; मातोश्रीसमोरील एकनाथ शिंदेंचा बॅनर फाडला, VIDEO

मुंबई : शिवसेनेच्या दोन्ही गटाचा वर्धापन सोहळा मुंबईत होत आहे. या सोहळ्यासाठी दोन्ही गटाचे कार्यकर्ते मुंबईत पोहोचले आहेत. आगामी महापालिका निवडणुकीच्या पार्श्वभूमीवर या वर्धापन सोहळ्याला महत्व प्राप्त वाढलं आहे. दोन्ही शिवसेनेच्या गटाकडून शक्तिप्रदर्शन करण्यात येत आहे. या दोन्ही गटाचा वर्धापन दिन साजरा होत असताना ठाकरे गटाच्या शिवसैनिकाने मातोश्रीसमोर एकनाथ शिंदे यांचा बॅनर फाडला.

मुंबईतील या प्रकरावर ठाकरे गटाचे गडचिरोली संपर्कप्रमुख यांनी म्हटलं की, आमच्या मंदिरासमान मातोश्रीसमोर एका व्यक्तीने एकनाथ शिंदे यांच्या शिवसेनेचा जाहिरात बॅनर लावून मुद्दाम उकसवण्याचा प्रयत्न केला. मात्र, शिवसेनेचा कट्टर कार्यकर्ता म्हणून हे सहन होणं अशक्य होतं. त्यामुळे तो बॅनर फाडण्यात आला. यापुढेही अशा प्रकारच्या उकसवणाऱ्या कृतींना आम्ही तीव्र प्रत्युत्तर देऊ. एक खंदा शिवसैनिक म्हणून आमचं निष्ठेचं उत्तर असंच सडेतोड राहील'.