महाराष्ट्र विधीमंडळातील पावसाळी अधिवेशनाच्या पार्श्वभूमीवर सत्ताधाऱ्यांचा आज रविवारी चहापानाचा कार्यक्रम पार पडला. या चहापानाच्या कार्यक्रमात उपमुख्यमंत्री एकनाथ शिंदे यांचा रौद्र अवतार पाहायला मिळाला. एकनाथ शिंदे संतापल्याचे दिसून आले. चंद्रशेखर बावनकुळे यांच्याशी बोलताना एकनाथ शिंदे यांच्या चेहऱ्यावर आक्रमक भाव होते. चंद्रशेखर बावनकुळे हे एकनाथ शिंदे यांची समजूत काढत असल्याचे दिसत आहे. तर मला काय विचारता, असं एकनाथ शिंदे त्यांना सांगत आहेत. एकनाथ शिंदे यांच्या आक्रमक भावावरून राजकीय वर्तुळात चर्चांना उधाण आलं आहे.