राष्ट्रवादी शरद पवार गटचे नेते एकनाथ खडसे आणि भाजपचे मंत्री गिरीश महाजन यांच्यातील वाद सर्वश्रुत आहे. शुक्रवारी भाजप आमदार मंगेश चव्हाण जळगावमध्ये खडसेंविरोधात पत्रकार परिषद घेतली. यावेळी आमदार मंगेश चव्हाण यांनी एकनाथ खडसे यांच्यावर गंभीर आरोप केले होते. या आरोपाना आता खडसे यांनी प्रत्युत्तर दिले आहे.

एकनाथ खडसे म्हणाले मंगेश चव्हाण यांनी एक मोठा आरोप माझ्यावर केला, माझ्या चारित्र्यावर आरोप केला, जवळपास मी 1980 पासून ते आतापर्यंत सक्रिय राजकारणात आहे. गेल्या 45 वर्षांपासून राजकारणात आहे. गिरीश महाजन हे मंत्री आहेत, ते अर्ध्या खात्याचे मंत्री आहे, मी बारा खात्यांचा कॅबिनेट मंत्री होतो. त्यांना पूर्ण खात देखील मिळाले नाही. मी मंगेश चव्हाण यांना आव्हान देतो की, तुमच्याकडे माझ्याबाबतीत एक छोटी गोष्ट देखील पुरावा म्हणून असेल तर ती लोकांसमोर दाखवा, गप्पा मारू नका. जर तुम्ही पुरावा दिला तर मी सक्रिय राजकारणातून सन्यास घेईल असे आव्हान खडसे यांनी मंगेश चव्हाण यांना दिले.