देशभरात सर्वत्र ईदचा मोठा उत्साह बघायला मिळत आहे. दरम्यान आज साजऱ्या होणाऱ्या ईद-उल-फित्र सणासाठी ठिकठिकाणी मुस्लिम बांधव एकमेकांना शुभेच्छा देताना दिसत आहे. मुंबईमध्ये विशेषतः कुर्ला आणि वांद्रे भागात मुस्लिम बांधवांनी सामुदायिक नमाज पठण करून पवित्र रमजान साजरा केला. देशात सर्वत्र शांतता नांदावी, सर्व संकटे नष्ट होऊन राष्ट्रीय एकात्मता कायम राहण्यासाठी खास दुआ पठण होत आहे.

सकाळी आठच्या सुमारास शहरातील सर्वत्र मशिदीत मुख्य कार्यक्रमास प्रारंभ झाला. नमाजपठणापूर्वी धर्मगुरूंचे प्रवचन देखील आयोजित केले होते. ईदच्या शुभेच्छा देण्यासाठी घरी येणाऱ्या व्यक्तींना पाहुणचार म्हणून ईदचा खास मेनू शिरखुर्मा देण्यात येत आहे. गोडधोड पदार्था बरोबरच बिर्याणी, पूलावाचा आस्वाद घेताना दिसत आहे.