Eco Friendly Ganpati Pune: जेवणाच्या पत्रावळी चा उपोयोग करून केला घरगुती गणपती पुढे इको फ्रेंडली देखावा. चाकणच्या अशोक सावंत यांनी आपल्या घरगुती गणपती पुढे पत्रावळीचे द्रोण आणि पत्रावळी असा सुंदर मिलाफ करून निसर्गाला कोणतीही हानी होणार नाही याची दक्षता घेतली. पत्रावळी, द्रोण भांडारातून एक हजार द्रोण तसेच पाचशे पत्रावळ्या, झाडाच्या साली आणि गव्हाची गंजी हे वापरून हा देखावा साकारला. किमान 15 दिवस लागले बनवायला आणि फक्त हजार रुपये खर्च आला आहे, तर गणपतीची मूर्ती ही शाडू मातीची असल्याने घरच्या हौदात गणपतीचे विसर्जन करण्यात आल्यावर या पत्रावळ्या आणि ड्रोन शेतात टाकल्यावर त्याचे ही रूपांतर खतात होणार आहे. ही सेवा निसर्गाच्या प्रति असल्याने इकोफ्रेंडली गणपती देखावा केल्याचं सावंत कुटुंबाने सांगितलं आहे.