drunk Innova driver injures 15 people in Sangli : सांगली शहरातील गणपती पेठपासून टिळक चौकापर्यंत एका मद्यधुंद इनोव्हा गाडी चालकाने बेदरकारपणे गाडी चालवत रस्त्यावरून जाणाऱ्या अनेक नागरिकांना जोरदार धडक दिली आहे. चालक बेदरकारपणे गाडी चालवत असल्याचा व्हिडिओ देखील समोर आला आहे. यामध्ये 14-15 जण जखमी झाले असून यामध्ये चार वाहतूक पोलिसांचा समावेश आहे. या धडकेत नागरिक जखमी झाल्याने अनेक जणांनी मिळून इनोव्हा कारची तोडफोड केली. जमावाने दारूच्या नशेत असणाऱ्या चालकाला बेदम चोप दिला आहे. यामध्ये तो जखमी झाल्याने त्यालाही सांगलीच्या शासकीय रुग्णालयात दाखल केले आहे. त्याच्यासह 15 जणांवर उपचार सुरू आहेत.