भारताला टॅरिफचा झटका देणाऱ्या अमेरिकेच्या अध्यक्षांना भारताच आधार कार्ड मिळालंय. आमदार रोहित पवार यांनी भरपत्रकार परिषदेत बनवून दिलंय. बोगस आधारकार्ड कसं बनवता येतं हे दाखवून देताना दुबार कार्डसाठी नकली कार्ड वापरली जात असल्याचा आरोप त्यांनी केलाय. नकली आधारकार्डच्या साहाय्याने मतदार आयडी बनवण्यात येत असल्याचा रोहित पवार यांनी आरोप केलाय. आमदारानं ट्रम्प यांचे आधारकार्ड का बनवून दिलं. असा असा प्रश्न तुमच्या मनात आला असेल.

त्याचं झालं असं, की कर्जत जामखेड मतदारसंघात मतदार वाढल्याचा आरोप रोहित पवार यांनी केला. एका महिन्यात मतदारसंघात ४ हजार मतदार वाढले असल्याचा दावा रोहित पवार यांनी केला. हे मतदार वाढले कसे, कसा कारभार चालतो याचा उलगडा करताना आमदार रोहित पवार यांनी थेट ट्रम्प तात्यांना आधार कार्ड बनवून दाखवलं. अमेरिकेचे राष्ट्राध्यक्ष ट्रम्प यांचा फोटो वापरून त्यांनी नकली आधारकार्ड बनवून दाखवले आहे.