मॉलच्या जागेत क्रिकेट खेळू नको, असं म्हणत मज्जाव केल्यानं अल्पवयीन मुलानं रागाच्या भरात सुरक्षारक्षकावर प्राणघातक हल्ला केला. यात सुरक्षारक्षक गंभीर जखमी झाला आहे. डोंबिवलीच्या टाटा नाका येथील मॉल परिसरात ही घटना घडली.

डोंबिवली पूर्वेतील टाटा नाका येथील मॉल परिसरात मोकळी जागा आहे. या ठिकाणी अल्पवयीन मुले क्रिकेट खेळतात. तेथील सुरक्षारक्षकाने एका अल्पवयीन मुलाला मॉलच्या जागेत क्रिकेट खेळण्यास जाऊ नको, असे सांगितले. या कारणामुळे अल्पवयीन मुलाने ७५ वर्षीय तुकाराम सुपुगडे या सुरक्षारक्षकावर दगडाने हल्ला केला. यात वयोवृद्ध सुरक्षारक्षक गंभीर जखमी झाला आहे. त्यांच्यावर खासगी हॉस्पिटलमध्ये उपचार सुरू आहेत. पोलिसांनी अल्पवयीन मुलाविरोधात कारवाई केली आहे.