छत्रपती संभाजीनगर जिल्ह्यातील २४६ आत्महत्याग्रस्त शेतकऱ्यांच्या कुटुंबीयांची दिवाळी आनंदात जावी म्हणून जिल्हाधिकारी दिलीप स्वामी यांनी पुढाकार घेऊन दिवाळी साजरी करण्यासाठी दिवाळीसाठी लागणाऱ्या वस्तू आणि साहित्याच्या किटचे आज वाटप केले. त्यात दिवाळीसाठी लागणाऱ्या पणत्या दिव्यापासून ते दिवाळीसाठी लागणारे सर्व साहित्य आहे. आत्महत्याग्रस्त कुटुंबीयांना आम्ही तुमच्यासोबत आहोत, तुम्ही एकटे नाहीत, ही भावना वाढावी यासाठी हे महत्त्वाचं पाऊल टाकण्यात आले आहे.

दिवाळीसाठी साजरी करण्यासाठी साहित्य वस्तूसोबतच वेगवेगळ्या शासकीय योजनांचा लाभही आत्महत्याग्रस्त शेतकऱ्यांच्या कुटुंबीयांना दिल्या गेल्या आहेत. मराठवाड्यात सध्या शेतकऱ्यांच्या आत्महत्येचा आकडा वाढतोय. त्यात तरी आत्महत्या केल्यानंतर त्याचा कुटुंब उघड्यावर पडतंय अशात प्रशासकीय पातळीवरून आधार दिला तर त्या कुटुंबाला मोठा दिलासा मिळतो. त्यासाठीच हे पाऊल अत्यंत महत्त्वाचं मानलं जातंय.