मंत्री धनंजय मुंडे यांच्या अडचणी थांबत नसल्याचं सध्या बघायला मिळत आहे. आज वांद्रे कोर्टाने दिलेल्या निर्णयानंतर आता मुंडे यांच्या अडचणीत आणखी वाढ होण्याची शक्यता आहे.

करुणा शर्मा यांनी घरगुती हिंसाचार प्रकरणी धनंजय मुंडे यांच्यावर केलेले आरोप वांद्रे कौटुंबिक न्यायालयानं मान्य केले आहेत. त्यामुळं आता धनंजय मुंडे यांच्यावर खटला चालणार आहे. आधीच बीड सरपंच हत्या प्रकरणात आणि भ्रष्टाचार प्रकरणात वादाच्या भोवऱ्यात सापडलेल्या राष्ट्रवादी कॉंग्रेस अजित पवार गटाचे मंत्री धनंजय मुंडे यांच्या अडचणीत अजून वाढ झाली आहे. इतकंच नाही तर आता धनंजय मुंडे यांनी करुणा शर्मा यांना महिन्याला २ लाखांचा देखभाल खर्च देण्याचे देखील आदेश कोर्टाने दिले आहेत. याबद्दल स्वत: करुणा मुंडे यांनी आज प्रसारमाध्यमांना माहिती दिली आहे.