बीडमध्ये झालेल्या ओबीसी महाएल्गार सभा पार पडली होती. या सभेत बोलताना मंत्री छगन भुजबळ यांनी गोपीनाथ मुंडे यांचे राजकीय वारसदार म्हणून माजी मंत्री धनंजय मुंडे यांचा उल्लेख केला होता. यावरून राजकारण चांगलेच तापले आहे. यावर प्रतिक्रिया देताना करुणा मुंडे यांनी देखील धनंजय मुंडे हेच गोपीनाथ मुंडे यांचे राजकीय वारसदार असल्याचे म्हटले आहे.

दरम्यान आज यावर पंकजा मुंडे यांनी पहिल्यांदाच प्रतिक्रिया दिली आहे. जालन्यात बंजारा समाजाला एसटी प्रवर्गातून आरक्षण मिळावे यासाठी विजय चव्हाण यांचे उपोषण सुरू आहे/ त्यांची भेट घेण्यासाठी जे सरकारचे शिष्टमंडळ आले होते. त्यामध्ये पंकजा मुंडे यांचा देखील समावेश होता. यावेळी त्यांना भुजबळांच्या वक्तव्यासंदर्भात विचारले असता त्यांनी थेट मुंडे साहेबांचे वारसदार हे संजय राठोड आणि अर्जुन खोतकर असल्याचे म्हटले.