रविवारी रात्री संत ज्ञानेश्वर महाराज यांची पालखी पुण्यातील पालखी विठोबा मंदिरामध्ये मुक्कामासाठी आली आहे. आज दिवसभर पालखी याठिकाणी मुक्कामासाठी असल्यामुळे सकाळपासूनच भाविकांची मोठी रांग पाहायला मिळत आहे. माऊली-माऊलीचा जयघोष करत पुणेकरांनी भवानी पेठेत असलेल्या पालखी विठोबा मंदिरांमध्ये दर्शनासाठी गर्दी केली आहे. मंदिर परिसरात आकर्षक रोषणाई करण्यात आली असून सुरक्षेच्या दृष्टीने सुद्धा चोख पोलीस बंदोबस्त तैनात करण्यात आला आहे. पुण्यासह इतर जवळच्या भागातून भाविक पादुकांचे दर्शन घेण्यासाठी या ठिकाणी आल्याचं पाहायला मिळालं.