बेडूक कितीही फुगला तरी बैल होत नाही, अशी टीका देवेंद्र फडणवीस यांनी बहुजन विकास आघीडीचे नेते हितेंद्र ठाकूर यांच्यावर केली होती. त्यावर ठाकूर यांनी उमेदवारांच्या नावाने मतं मागा असे आव्हान दिले आहे. पालघरमधून बहुजन विकास आघाडीने उमेदवार जाहीर केलाय. त्यांना आम्ही वसईतपर्यंत थोपवू डहाणू पर्यंत येऊ देणार नाही असे फडणवीस म्हणाले. तर उमेदवारांच्या नावाने, पक्षाच्या नावाने मतं मागा असे आव्हान हितेंद्र ठाकूर यांनी दिले आहे. तसेच तुम्हाला खासदार फक्त संसदेत बोट उचलायला हवेत का असा सवालही ठाकूर यांनी उपस्थित केला आहे.