मागच्या काही दिवसांपासून महायुतीचे आमदार आणि मंत्री वाचाळवीर झाले असून कँटिनमध्ये लाथा बुक्यांनी मारहाण, कृषिमंत्र्यांची वादग्रस्त विधान, भ्रष्टाचारचे आरोप यामुळे सरकारची चांगलीच बदनामी झाली आहे. याबाबत खुद्द मुख्यमंत्र्यांनी कबुली दिली. या मंत्र्यांचा राजीनामा घ्यावा यासाठी विरोधक चांगलेच आक्रमक झाले आहे.सामान्य जनतेमध्ये देखील सरकारच्या प्रती रोष वाढताना दिसत आहे. यामुळे देवेंद्र फडणवीसांनी अशा वादग्रस्त मंत्र्यांना चांगलेच झापले आहे. आज कॅबिनेट बैठकी दरम्यान फडणवीस म्हणाले, जरा कमी बोलायला शिका. जितके कमी बोलाल तितके चांगले आहे आणि दरवेळी अशी वादग्रस्त विधाने तुम्ही करत राहिलात तर दरवेळी तुम्हाला कोणी वाचवणार नाही असा सज्जड दम त्यांनी यावेळी दिला.