राज्याचे मुख्यमंत्री देवेंद्र फडणवीस (Devendra Fadnavis) यांनी मानवी वस्ती आणि वन्यजीव यांच्यातील वाढत्या संघर्षावर (Human-Animal Conflict) चिंता व्यक्त केली आहे. 'आपण शहरांचे नियोजन करतो, पण प्राण्यांच्या अधिवासाचा विचार करत नाही,' असे मत त्यांनी मांडले. विशेष म्हणजे, 'एका दीड जिल्ह्यामध्ये तब्बल १३०० बिबटे (1300 Leopards) आहेत,' अशी धक्कादायक आकडेवारी त्यांनी दिली. पश्चिम महाराष्ट्रातील बिबट्यांचा वावर आणि विदर्भातील वाघांचा (Tigers in Vidarbha) वाढता वावर यावर उपाय म्हणून 'ग्रासलँड्स' (Grasslands) तयार करणे आणि बिबट्यांचे निर्बीजीकरण (Sterilization) करणे यावर भर दिला जात असल्याचे त्यांनी स्पष्ट केले. समृद्धी महामार्गावरील प्रयोगाचा दाखला देत त्यांनी नवीन सर्वसमावेशक धोरणाची माहिती दिली.