नागपुरात राज्य मंत्रिमंडळाची बैठक झाली. या बैठकीला सर्व मंत्री उपस्थित होते. या बैठकीनंतर मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांनी पत्रकार परिषद घेत विरोधकांवर टीका केली. एकीकडे हिवाळी अधिवेशनाच्या पूर्वसंध्येला विरोधकांनी सरकारच्या चहापानावर बहिष्कार टाकला. तर दुसरीकडे अधिवेशनाच्या पार्श्वभूमीवर पत्रकार परिषद घेत मुख्यमंत्री देवेंद्र फडणवीसांनी विरोधकांवर जोरदार टीका केली. विरोधकांच्या पत्रकार परिषदेत अनेक गंमती झाल्या. भास्कररावांनी वडेट्टीवारांच्या माईकची बॅटरी बंद केली, असं म्हणत फडणवीसांनी जोरदार टीका केली.