मुख्यमंत्री देवेंद्र फडणवीस यांनी आज अमरावती येथे आढावा बैठक घेतली. यानंतर त्यांनी माध्यमांशी संवाद साधला, फडणवीस म्हणाले, कार्यकर्त्यांची मानसिकता आणि तयारी चांगली आहे. निवडणुकीकरता पूर्णपणे यंत्रणा म्हणून पक्ष सज्ज आहे. त्यांना एक दिशा निर्देश देऊन कशा प्रकारे या निवडणुका करायच्या असा आमचा प्रयत्न आहे. युतीच्या संदर्भातही आम्ही जे काही अधिकार आहेत ते खाली देत आहोत. साधारणपणे जिथे जिथे शक्य आहे तिथे युती केली पाहिजे अशा प्रकारचे निर्देश दिलेले आहेत. आणि युती झाली नाही तरी मित्रपक्षावर टीका करू नये अशा प्रकारचे निर्देश मी दिले आहेत. तसेच स्वबळावर लढण्याची कार्यकर्त्यांची इच्छा नेहमीच असते. परंतु त्या त्या ठिकाणच्या परिस्थितीचा विचार करून निर्णय करायचा असतो. अशी माहिती देवेंद्र फडणवीस यांनी दिली.