मुंबई-पुणे प्रवास करणाऱ्यांसाठी आनंदाची बातमी समोर आली आहे. मुंबई-पुणे प्रवास करणाऱ्या प्रवाशांचा वेळ आणखी वाचणार आहे. या मार्गावरील मिसिंग लिंकचं आज शुक्रवारी मुख्यमंत्री देवेंद्र फडणवीस यांच्या हस्ते उद्घाटन झालं. या मिसिंग लिंकमुळे हजारो प्रवाशांची वाहतूक कोंडीतून सुटका होणार आहे. महाराष्ट्र दिनाचे औचित्य साधून हा मार्ग वाहतुकीसाठी खुला करण्यात आला आहे.

मार्गाचे लोकार्पण झाल्यावर मुख्यमंत्री देवेंद्र फडणवीस यांनी स्वत: कार चालवत संपूर्ण मिसिंग लिंकचा प्रवास केला. यावेळी मुख्यमंत्र्यांसोबत उपमुख्यमंत्री एकनाथ शिंदे देखील होते. मिसिंग लिंकमुळे प्रवाशांचा तब्बल अर्धा ते एक तासाचा वेळ वाचणार असून प्रवास अधिक वेगवान आणि सुखकर होणार आहे. मिसिंग लिंकमुळे मुंबई-पुणे प्रवास सुसाट होणार आहे.