काल पासून सभागृहात एक गोष्ट सुरु आहे. ती म्हणजे हनीट्रॅप. कोणता हनीट्रॅप यांनी आणला हेच मला समजत नाही. नाना भाऊंनी तर कुठला बॉम्ब आणला. पण तो आमच्यापर्यंत पोहोचलाच नाही. असा टोला मुख्यमंत्री देवेंद्र फडणवीस यांनी विरोधकांना लगावला. मंत्रालय आणि राज्यातील काही आजी माजी मंत्री हनी ट्रॅपमध्ये अडकल्याचे गुप्तचर यंत्रणेने सांगितले आहे. याबाबत माध्यमांमध्ये बातम्या देखील सुरू आहे. यावर आज फडणवीसांनी सभागृहात भाष्य करत स्पष्टीकरण दिले.

पुढे बोलताना ते म्हणाले, कुठली घटना घडली तर ती मांडली पाहिजे. पण वातावरण असे तयार होते के, आजी आणि माजी मंत्री म्हंटल्यावर सगळे एकमेकांकडे पाहत आहे. मात्र, कोणत्याही आजी आणि माजी मंत्र्याची हनीट्रॅपची तक्रार नाही. या संदर्भातली ती मागे पण घेतली. आणि ज्या हॉटेल मालकाचा उल्लेख करता ते कॉँग्रेस पक्षाचे अध्यक्ष आहे असा आरोप यावेळी मुख्यमंत्री देवेंद्र फडणवीसांनी केला.