मालेगाव बॉम्बब्लास्टप्रकरणी आज NIA च्या विशेष न्यायालयाने निकाल दिला. कुठलाही ठोस पुरावा मिळाला नाही यामुळे सर्व आरोपींची निर्दोष मुक्तता करण्यात आली. त्यानंतर आता मुख्यमंत्री देवेंद्र फडणवीसांनी प्रतिक्रिया दिली. फडणवीस म्हणाले, कॉँग्रेसने हिंदू समाजाला आतंकवादी दाखवण्याचा प्रयत्न केला, आता त्यांनी संपूर्ण समाजाची माफी मागावी. कॉँग्रेसप्राणित यूपीए सरकारने हिंदू दहशतवादाचा नेरेटीव सेट करण्याचा प्रयत्न केला होता. हिंदू व भगवा आतंकवाद आहे, हा प्रचार करण्याचा प्रयत्न केला. तो किती खोटा आहे हे आज सिद्ध झाले. कोर्टाने पुराव्यानिशी आज सांगितले आहे. ज्याच्यावर कारवाई केली त्यांची कॉँग्रेसने माफी मागावी. संपूर्ण हिंदू समाजाची कॉँग्रेसने माफी मगावी. असे फडणवीस म्हणाले.

पुढे बोलताना फडणवीस म्हणाले, मी पोलिसांना दोष देणार नाही. यूपीए सरकारने हे षडयंत्र तयार केले होते. पोलिसांवर त्यांचा दबाव होता. 9/11 हल्ल्यानंतर जगभरात हा दहशतवाद तयार झाला होता. इस्लामिक दहशतवाद तयार झाला होता. त्याला विरोध म्हणून हिंदू आणि भगवा दहशतवाद असा प्रकार यूपीए सरकारने निर्माण केला होता असे देवेंद्र फडणवीस म्हणाले