कॉँग्रेसचे जेष्ठ नेते तथा माजी मुख्यमंत्री पृथ्वीराज चव्हाण यांच्या कुटुंबियांचे 3 ठिकाणी मतदान यादीत नावे असल्याचा गंभीर आरोप कराडमधील भाजपच्या एका पदाधिकाऱ्याने केला आहे. यावर मुख्यमंत्री देवेंद्र फडणवीस भाष्य करत म्हणाले, आमदार अतुलबाबा भोसले यांनी पृथ्वीराज चव्हाण यांच्याबद्दल जे काही पुरावे समोर आणले आहे ते अतिशय गंभीर आहे, यावरून एक लक्षात येते की व्होटचोरीचा ठेका राहुल गांधींनीच घेतला आहे, आणि नक्की कोणी मतदान चोरी केली आहे हे देखील समोर आले आहे. यावर राष्ट्रवादी शरद पवार गटाचे आमदार जयंत पाटील प्रतिउत्तर देत म्हणाले, याचा अर्थ असा की देवेंद्र फडणवीसांना देखील ही वोट चोरी मान्य आहे त्यांनी आमच्या सोबत या निवडणूक आयोगाच्या विरोधातल्या लढाईमध्ये सामील व्हावे असे आवाहन जयंत पाटील यांनी केले.