पंढरपूरच्या वारीला यंदा पर्यावरणाची जोड लाभली असून "पर्यावरणाचे वारे पंढरीच्या दारी" या उपक्रमाचा समारोप आज मुख्यमंत्री देवेंद्र फडणवीस यांच्या प्रमुख उपस्थितीत संपन्न झाला. शासकीय विश्रामगृहात पार पडलेल्या या कार्यक्रमात मुख्यमंत्री फडणवीसांसह त्यांच्या पत्नी अमृता फडणवीस यांनीही सहभाग घेतला.

पर्यावरण मंत्री जयकुमार राऊळ, ग्रामविकास मंत्री जयकुमार गोरे यांच्यासह विविध मान्यवरांची या कार्यक्रमात उपस्थिती होती. पर्यावरण संवर्धनासाठी राबविण्यात आलेल्या विविध उपक्रमांचा आढावा या समारोपात घेण्यात आला.

कार्यक्रमानंतर मुख्यमंत्री देवेंद्र फडणवीस आणि अमृता फडणवीस यांनी वारकऱ्यांमध्ये मिसळत पारंपरिक फुगडी खेळून उपस्थितांचे लक्ष वेधले. ज्ञानोबा-तुकाराम यांच्या गजरात फडणवीस दाम्पत्याने वारीचा आनंद लुटला.