दिल्लीमध्ये मनसे प्रमुख राज ठाकरे यांचे पुत्र अमित ठाकरे यांच्या मेहुण्याचा विवाहसोहळा जल्लोषात पार पडतोय. या सोहळ्याला संरक्षणमंत्री राजनाथ सिंह यांच्यासह अनेक दिग्गजांनी हजेरी लावली असून, पंतप्रधान नरेंद्र मोदी यांनीही उपस्थित राहून सर्वांचेच लक्ष वेधून घेतलं.

पंतप्रधान नरेंद्र मोदी आणि मनसे पक्षप्रमुख राज ठाकरे एकत्र दिसले असल्याची माहिती आहे. दोघेही एकाच लग्न कार्यक्रमात दिसल्याने राजकीय वर्तुळात चर्चेला उधाण आलं आहे. जरी दोघेही एकत्र दिसले असले, तरी त्यांच्यात काही चर्चा झाली आहे का? असा प्रश्न आता राजकीय क्षेत्रात उपस्थित केला जात आहे. व्हिडिओत पंतप्रधान नरेंद्र मोदी स्टेजवर जाऊन नववधू आणि नवरदेवाला शुभेच्छा देत असल्याचं दिसून येत आहे.