पालघर जिल्ह्यातील डहाणूमध्ये भरदिवसा दरोडा टाकण्यात आलाय. डाहणूमधील इराणी नगर परिसरातील न्यू लक्ष्मी ज्वेलर्सवर भरदिवसा दरोडा पडला. हातात शस्त्र घेऊन आलेल्या तिघांनी न्यू लक्ष्मी ज्वेलर्सचं दुकान लुटलं. भरदिवसा दरोडा टाकल्याने डहाणूसह परिसरात सराफ दुकानदारांमध्ये भीतीच वातावरण निर्माण झाले आहे. बंदुकीचा धाक दाखवत तिघांनी लाखो रुपयांचे सोन्या-चांदीचे ऐवज घेऊन दरोडेखोर पसार झालेत. घटनेचा व्हिडिओ कॅमेरात कैद . डहाणू पोलीस घटनास्थळी दाखल झाले आहेत. डहाणू पोलिस आणि पालघरच्या स्थानिक गुन्हे शाखेकडून पुढील तपास सुरू आहे.