राष्ट्रवादी शरद पवार गटाचे आमदार रोहित पवार यांनी एका कला केंद्रात सत्ताधारी आमदाराच्या भावाकडून गोळीबार झाला असून यामध्ये एक महिला जखमी झाली आहे असे ट्विट केले होते. यावर उपमुख्यमंत्री अजित पवार म्हणाले, दौंडमधील न्यू अंबिका कला केंद्रात झालेल्या गोळीबार घटनेत राजकीय हस्तक्षेप होऊन देऊ नका. दौंडमधील घटनेची मी अधिक्षकाकडून माहिती घेतली आहे. दौंडमधील गोळीबारात कुणीही जखमी झालेले नाही. गोळीबाराच्या आवाजाने एक महिला बेशुद्ध पडली. त्यानंतर तिने पाणी पिले आणि शुद्धीवर देखील आली. या घटनेमध्ये मकोका लावला जाईल अशी माहिती अजित पवारांनी दिली आहे.