मुंबईतील दादर परिसरातील वादग्रस्त कबुतरखाना अखेर बंद करण्यात आला आहे. मुंबई हायकोर्टाच्या आदेशानंतर महापालिकेने कारवाई करत हा कबुतरखाना पूर्णपणे बंद केला. गेल्या महिन्यात हायकोर्टाने कबुतरांना दाणे टाकण्यावर बंदी घालत पर्यावरण आणि मानवी आरोग्याशी निगडित धोक्यांचा गंभीर उल्लेख केला होता. कबुतरखान्यांमुळे होणाऱ्या आजार आणि प्रदूषणाच्या समस्येमुळेच न्यायालयाने हा निर्णय घेतला होता. सुप्रीम कोर्टानेही हायकोर्टाच्या आदेशाला दुजोरा दिल्यानंतर पक्षी मित्र संस्थांना माघार घ्यावी लागली. स्थानिक नागरिकांच्या मते, कबुतरखाना बंद झाल्यापासून परिसरातील कबुतरांची संख्या लक्षणीयरीत्या घटली आहे. महापालिकेने न्यायालयाच्या आदेशानुसार बंदीची अंमलबजावणी काटेकोरपणे सुरू केली आहे.