देशासह राज्यात पुन्हा एकदा कोरोनाचा प्रादुर्भाव वाढत असल्याचे दिसत आहे . गेल्या 24 तासांमध्ये राज्यभरात 98 नव्या रुग्णांची नोंद झाली असूण् त्यामध्ये पुणे आणि मुंबई या दोन्ही प्रमुख शहरांमध्ये प्रत्येकी 34 रुग्ण आढळले आहे. तसेच देशातील कोरोना रुग्णांची संख्या ही पाच हजारवर पोहोचली आहे. देशभरात 5364 अॅक्टिव्ह रुग्ण आहेत तर राज्यात 548 सक्रिय रुग्ण आहे. याशिवाय 597 रुग्णानी कोरोनावर मात केली आहे. जानेवारीपासून आतापर्यंत राज्यात 17 जणांचा मृत्यू झाला आहे. मृत्यू झालेल्या रुग्णामध्ये मधुमेह, उच्च रक्तदाब, मूत्रपिंडविकार, कर्करोग, ब्रेन स्ट्रोक, फुफ्फुस विकार, श्वसनविकार आणि क्षयरोग अशा गंभीर आजारांचे प्रमाण अधिक होते.