नागपूर शहरातील रस्त्यांची दुरवस्था आणि अस्वच्छतेवरून काँग्रेसचे नेते विकास ठाकरे आणि कार्यकर्त्यांनी महापालिका विरोधात आक्रमक आंदोलन सुरू केले आहे. आंदोलकांनी पालिका प्रशासनाच्या निष्क्रियतेवर नाराजी व्यक्त करत घोषणाबाजी केली. घोषणाबाजीदरम्यान काँग्रेसच्या कार्यकर्त्यांनी रस्त्यांवरील घाण आणि दुरवस्थेबाबत तीव्र टीका केली. घटनास्थळी पोलिसांनी जमलेल्या आंदोलकांना शांत करण्यासाठी बाहेर काढले.

आंदोलनादरम्यान काँग्रेसकडून महापालिकेच्या कार्यप्रणालीवर प्रश्न उपस्थित करण्यात आले आणि नागरिकांच्या समस्यांकडे प्रशासन लक्ष देण्याची मागणी केली गेली.

काँग्रेसचे नेते म्हणाले की, रस्त्यांची दुरवस्था आणि स्वच्छतेची परिस्थिती नियंत्रणाबाहेर आहे. अमृत योजनेचे पाईप टाकायचे म्हणून रस्ते गेले कित्येक दिवसांपासून खंदून ठेवले आहे. प्रशासनाने तत्काळ उपाययोजना करणे गरजेचे आहे अशी मागणी करत जोरदार आंदोलन महापालिकेचे सुरू आहे.