Hingoli News | Congress BJP : हिंगोलीत भाजपनं काँग्रेसला जोरदार धक्का दिलाय. काँग्रेसच्या विधान परिषदेच्या आमदार प्रज्ञा सातव आज भाजपात प्रवेश करणार असल्याची माहिती आहे.भाजप प्रवेशासाठी प्रज्ञा सातव मुंबईच्या दिशेने रवाना झाल्याचीही माहिती समोर आली आहे. विधान परिषदेमध्ये काँग्रेसची मते फुटल्याने प्रज्ञा सातव नाराज होत्या. त्यांनी आता भाजपमध्ये जाण्याचा निर्णय घेतल्याचे समजतेय.

लातूरमध्ये काँग्रेसला उतरती कळा

लातूर महानगरपालिका निवडणुकीच्या पार्श्वभूमीवर शहरात काँग्रेसला उतरती कळा लागल्याच दिसत आहेत. माजी महापौर विक्रांत गोजमगुंडे यांच्यासह काही नगरसेवक यांनी सत्ताधारी असणाऱ्या राष्ट्रवादी काँग्रेस आणि भाजपमध्ये प्रवेश केलाय ,त्यामुळे काँग्रेसचा बालेकिल्ला असणाऱ्या लातूर शहर महापालिकेत यावेळी निवडणुकीआधीच काँग्रेसला उतरती कळा लागल्याचे चित्र दिसतंय., काँग्रेसचे नेते तथा लातूर शहराचे आमदार अमित देशमुख यांची या निवडणुकीत खऱ्या अर्थाने प्रतिष्ठा पणाला लागणार आहे. तर महानगरपालिका निवडणूक ही महायुतीतच लढू असे संकेत स्वतः मंत्री चंद्रशेखर बावनकुळे यांनी लातूर दौऱ्यावर असताना दिलेत