दौंड तालुक्यातील यवत गावात दोन गटात तणाव निर्माण झाला असून गावात सध्या तणावपूर्ण शांतता आहे. व्हॉट्सअ‍ॅप ग्रुपवर एका तरुणाने कथितपणे आक्षेपार्ह पोस्ट केल्याच्या पार्श्वभूमीवर ही परिस्थिती निर्माण झाली आहे. या पोस्टनंतर गावात वाद पसरू लागला. काही तरुणांनी संतप्त प्रतिक्रिया देत रस्त्यावर गर्दी केली. दरम्यान, काही लोकांनी यासोबतच तरुणाच्या घरावरही दगडफेक झाल्याची माहिती ग्रामस्थांनी दिली आहे. गावामध्ये टायर देखीळ जाळले आहे. तसेच पोलिसांनी अश्रुधुराच्या नळकाड्यांचा देखील वापर केला.

सध्या संपूर्ण यवत गावात पोलीस बंदोबस्त वाढवण्यात आला आहे. वरिष्ठ पोलीस अधिकारी घटनास्थळी दाखल झाले असून परिस्थिती नियंत्रणात आणण्याचा प्रयत्न सुरू आहे.