Abhijeet Dipake: नीट परीक्षा पेपर फुटीप्रकरणी केंद्रीय शिक्षण मंत्री धर्मेंद्र प्रधान यांच्या राजीनाम्याच्या मागणीसाठी कॉकरोच जनता पार्टी आक्रमक झाली आहे. परीक्षेत झालेल्या गोधळांचा मुद्दा या कॉकरोच जनता पार्टीने उचलून धरला आहे. याच मुद्द्यावरून कॉकरोच जनता पार्टीचे संस्थापक अभिजित दीपके यांच्या उपस्थितीत ६ जून रोजी दिल्लीच्या जंतर मंतर मैदानावर मोठे आंदोलन करण्यात आले. या आंदोलनाला उत्स्फूर्त असा प्रतिसाद मिळाला.

आज कॉकरोच जनता पार्टीकडून पुण्यातही आंदोलन केले जाणार आहे. दरम्यान त्यापूर्वी आयोजित करण्यात आलेल्या पत्रकार परिषदेत अभिजित दीपके यांनी रणशिंग फुकले आहे. यामुळे केंद्र सरकारवर दबाव निर्माण होण्याची शक्यता आहे. येत्या २०जून रोजी दिल्लीत आणखी मोठे आंदोलन केले जाणार असल्याची माहिती दिली. २० तारखेला सगळ्यांनी दिल्लीला जायचं अन् धर्मेंद्र प्रधान यांच्या राजीनाम्याशिवाय मागे हटायचं नाही असंही दीपके यांनी म्हटलंय.