राज्यात विधानसभा निवडणुकीचा निकाल जाहीर होत आहे. यामध्ये महायुतीला स्पष्ट बहुमत मिळत आहे. नांदेड जिल्ह्यातील लोहा येथे तहसील कार्यालय परिसरात मतमोजणीची प्रक्रिया पार पडत असताना केंद्राच्या बाहेर दोन गटांमध्ये तूफान राडा झालेला बघायला मिळाला आहे.

विधानसभा निवडणुकीची मतमोजणी सुरु असलेल्या नांदेडच्या लोहा येथे दोन गटांमध्ये तुफान दगडफेक झाल्याचा प्रकार घडला आहे. यामुळे परिसरात खळबळ उडाली असून तणावपूर्ण शांतता पसरली आहे. या प्रकारामुळे येथे पोलीस बंदोबस्त वाढविण्यात आला आहे. आधी हा किरकोळ वाद होता. त्यानंतर मात्र या वादाचं रूपांतर राड्यात होऊन तूफान दगड फेक सुरू झाली आहे. याचा व्हिडिओ सोशल मीडियावर व्हायरल झाला आहे. पोलिसांनी दगडफेक करणाऱ्या जमावाला पांगवले असून याठिकाणी पोलिसांचा अतिरिक्त बंदोबस्त वाढवण्यात आला आहे.

Edited By Rakhi Rajput