नवी दिल्ली : भारताचे ५० वे सरन्यायाधीश धनजंय यशवंत चंद्रचूड यांचा शुक्रवारी शेवटचा दिवस होता. आज सुप्रीम कोर्टात त्यांचा निरोप समारंभ आयोजित केला होता. या निरोप समारंभाच्या दिवशी सरन्यायाधीश चंद्रचूड भावुक झाल्याचे पाहायला मिळाले. मी विनम्रपणे सांगतो की,'मी माझ्याकडून संपूर्ण प्रयत्न केला आहे. माझ्या वर्तुवणुकीमुळे कोणी दुखावलं असेल तर मला माफ करा, असं धनजंय चंद्रचूड म्हणाले.

१३ मे २०१६ साली सरन्यायाधीश चंद्रचूड सूप्रीम कोर्टाचे न्यायाधीश झाले होते. याआधी ते इलाहाबाद कोर्टाचे मुख्य न्यायाधीश होते. ९ नोव्हेंबर २०२२ रोजी ते सुप्रीम कोर्टाचे सरन्यायाधीश झाले. सुप्रीम कोर्टाच्या त्यांचा कार्यकाळात त्यांनी अनेक मोठे निर्णय घेतले. त्यांच्या कार्यकाळातील शेवटच्या दिवशी अलीगड मुस्लिम विद्यापीठाला अल्पसंख्याक संस्थेचा दर्जा मिळण्यास अडचण निर्माण करणाऱ्या १९६७ सालचा निर्णय रद्द केला.