नाशिकमध्ये ठाकरे गटाला मोठे खिंडार पडले आहे. आताच्या घडीला शहरात फक्त 4 नगरसेवक उरल्याने ही पक्षासाठी अतिशय चिंताजनक बाब आहे. ठाकरे गटाचे महानगरप्रमुख विलास शिंदे यांनी शिदे गटात प्रवेश केल्यानंतर मामा राजवाडे यांची यापदी नियुक्ती करण्यात आली. मात्र त्यांच्यावर आणि ठाकरे गटाचे महत्वाचे मानले जाणारे सुनिल बागुल यांच्यावर गुन्हा दाखल केला. आणि याच दोघांचा आज भाजपमध्ये पक्षप्रवेश होणार होता.

तो काही कारणास्तव थांबवण्यात आला. यावरच संजय राऊत यांनी ट्विट करत भाजपवर जोरदार टीका केली. आधी गुन्हे दाखल करायचे आणि नंतर आपल्या पक्षात घ्यायचे अशा प्रकारे ट्विट करत भाजपवर संजय राऊत यांनी भाजपवर टीकास्त्र सोडले. यावरच भाजप आमदार चित्रा वाघ यांना विचारले असता त्या म्हणाल्या, संजय राऊत हे स्वतः 113 दिवस जेल भोगून आलेले आणि जामिनावर सुटलेले आरोपी आहेत. त्यांना आम्ही जास्त महत्व देत नाही असा पलटवर चित्रा वाघ यांनी केला.