अमरावती जिल्ह्यात चिकनगुनिया आणि डेंग्युचा प्रादुर्भाव झपाट्याने वाढत असल्याचे समोर आले आहे. जानेवारी ते सप्टेंबरदरम्यान चिकनगुनियाचे तब्बल 282 रुग्ण, तर डेंग्यूचे 310 रुग्ण आढळले आहेत. वाढत्या रुग्णसंख्येमुळे आरोग्य यंत्रणेसमोर आव्हान उभं राहिलं आहे. जिल्हा आरोग्य विभागाकडून नागरिकांमध्ये जनजागृती मोहीम राबवण्यात येत असली तरी आजाराचा फैलाव थांबत नाहीये. विशेषतः ग्रामीण भागात रुग्णसंख्या अधिक असल्याने परिस्थिती गंभीर बनली आहे. प्रशासनाने नागरिकांना साचलेलं पाणी त्वरित काढून टाकण्याचं, परिसर स्वच्छ ठेवण्याचं आणि मच्छर प्रतिबंधक उपाय करण्याचं आवाहन केलं आहे. आरोग्य विभागाने सर्व प्राथमिक आरोग्य केंद्रांना सतर्क राहण्याच्या सूचना दिल्या आहेत.