ड्रग्ज प्रकरणावरुन शरद पवार यांनी सरकारवर निशाणा साधला आहे. पब आणि बार यांच्यावर कारवाई करण्यासाठी प्रशासनाला आता जाग आली का? असं म्हणत शरद पवार यांनी सरकारवर घणाघाती टीका केली आहे. तुम्ही १० वर्ष झोपला होतात का? असा सवाल त्यांनी शिंदे सरकारला विचारला आहे. १० वर्षांपुर्वीच अनधीकृत बांधकाम झालं, मग तुम्हाला आता जाग कशी आली, असा सवाल देखील शरद पवार यांनी उपस्थित केला आहे. शरद पवारांच्या या टिकेवर मुख्यमंत्री एकनाथ शिंदे यांनी प्रतिक्रिया दिली आहे. शरद पवार हे ज्येष्ठ नेते आहेत, त्यामुळे पब आणि ड्रग्ज याला ते कधीच पाठिंबा देणार नाहीत असं एकनाथ शिंदे म्हणाले.